剧情介绍
"
无线新剧《火线下的江湖大佬》喺上星期首播，由郑则士、黄光亮及首次做女主角嘅陈炜担正，剧情主要讲述何其爽（郑则仕饰演）由昔日江湖中人退下火线，开设一间餐厅过平淡生活，何其爽又因为照顾柳卓南昔日女友苏佑琳「傻冧」（陈炜）而暗渡陈仓，但系昔日大佬柳卓南（黄光亮饰演）突然提早出狱，搞到何其爽同苏佑琳唔知点算好，习惯横行霸道嘅柳卓南亦想东山再起，继而发生一连串事件。剧集播出后，唔少网民都觉得剧集戏味十足，剧中唔少演员都交足戏，剧集仲成为今年无线剧首播收视最高嘅剧集！唔少人睇完都话呢套追得过！
"
黄光亮
平时演开恶人嘅黄光亮饰演恶形恶相嘅过气江湖大佬柳卓南入型入格，有时表现到好威严，够晒霸气，但系亦因脱节20年要重新适应社会，而发生唔少趣事，成功演活过气大佬嘅希嘘。
"
郑则仕
相信唔少人对郑则仕嘅演技毋庸置疑，今次饰演一个退隐江湖开餐厅做厨师嘅江湖中人，对老婆傻冧、大佬南哥同埋个女心心（岑丽香饰演）都照顾有加，剧中角色演得搞笑又自然。
"
陈炜
过档无线多年嘅陈炜喺今次终于可以做担正女主角，佢饰演嘅傻冧周旋喺何其爽同埋柳卓南之间，就算佢同ken哥年纪有一定嘅差距，但系观众睇落完全无突兀嘅感觉，相反仲觉得好自然好舒服。
"
苑琼丹
好耐冇喺无线剧集出现嘅苑琼丹，今次喺剧中饰演傻冧家姐苏佑妙「miu姐」，剧中表现死鬼、搞笑，仍然保持一贯水准，每次佢一出场啲戏都会俾佢抢晒。
"
李天翔
见到李天翔除左知佢系认字特工外，就一定觉得佢系做奸角。佢嘅演技加眼神演活唔少奸角，今次都唔例外喺剧中饰演年青时期嘅江湖大佬柳卓南入型入格，唔少网民都认为李天翔样又唔差，又有实力，但就系差咁啲运，无綫应该比多啲机会佢，仲话如果拍前传嘅话，佢绝对有资格做男一。
"
韦家雄
上年获得「最佳男配角」嘅韦家雄饰演何其爽年青版，唔少人都认为系不二之选，不过今次唔少网民都好葡萄佢，因为喺第二集已经同宅男女神汤洛雯（傻冧年青版）有kiss戏。
"
